Girovda olan daşınmaz əmlakın alqı-satqısı aşağıdakı üç formada həyata keçirilə bilər:
1. Bankla razılaşdırılaraq girovun saxlanılması ilə satış
Bankın razılığı əsasında əmlak girovda qalmaqla kredit öhdəliyi eyni və ya yenidən razılaşdırılmış şərtlərlə alıcının adına keçirilir.
2. Girov ləğv edildikdən sonra –
Satıcı tərəfindən kredit borcu tam ödənilir, girov ləğv olunur və bundan sonra daşınmaz əmlak alıcının adına rəsmiləşdirilir.
3. İlkin ödənişlə girovun bağlanması
Alıcı tərəfindən verilən ilkin vəsaitlə kredit borcu bağlanır, girov ləğv edildikdən sonra alqı-satqı müqaviləsi rəsmiləşdirilərək əmlak alıcının adına keçirilir.

Üzərində hüquqlar qeydiyyata alınmamış daşınmaz əmlaklar notarial qaydada alqi satqısı mümkün deyildir.

Ancaq çıxarışı və əvvəllər verilmiş qeydiyyat vəsiqəsi olan mənzillərin alqı-satqısı mümkündür.

Yeni tikilmiş binalarda yerləşən mənzillər üzərində mülkiyyət hüququnun qeydiyyatı aşağıdakı sənədlər əsasında həyata keçirilir.

* Maliyyə arayışı
* Protokoldan çıxarış
* Mənzilin (evin) eskiz layihəsi

Dövlət mənzil fonduna aid mənzillər üzərində mülkiyyət hüququnun qeydiyyatı aşağıdakı sənədlər əsasında həyata keçirilir:
• Order
•Qeydiyyat yerindən arayış